Üç üz (film, 2018)
| Üç üz | |
|---|---|
| fars. سه رخ | |
 Filmin posteri | |
| Janr | Dram |
| Rejissor | Cəfər Pənahi |
| Prodüser | |
| Ssenari müəllifləri |
Cəfər Pənahi Nadir Sayivər |
| Baş rollarda |
Behnaz Cəfəri Cəfər Pənahi Mərziyyə Rzayi Maidə İrtiqayi |
| Operator | Amin Cəfəri |
| İstehsalçı | Jafar Panahi Film Production |
| İlk baxış tarixi | 12 may 2018 |
| Müddət | 100 dəqiqə |
| Ölkə | İran |
| Dillər |
azərbaycanca farsca |
| Rəng | rəngli |
| IMDb | ID8269552 |
Üç üz (fars. سه رخ — Sə rüx) — Cəfər Pənahinin 2018-ci ildə çəkdiyi dram janrında filmdir. Filmdə iranlı üç qadının taleyindən bəhs edilir.
Filmin mövzusu
[redaktə | mənbəni redaktə et]Məhdud büdcə ilə çəkilmiş bu minimalist filmdə baş rollarda Behnaz Nəcəfi, Mərziyyə Rzayi və rejissorun özü çəkilib. Film əsasən aktrisa olmaq istədiyi üçün ailəsinin təzyiqləri ilə üzləşən gənc bir qızın həyat hekayəsindən bəhs edir. Ümumilikdə isə filmdə üç iranlı aktrisanın həyatından bəhs edilir. Onlardan biri İslam İnqilabından sonra kinodan getməyə məcbur olan aktrisa, ikincisi müasir populyar aktrisa, digəri isə aktyorluq məktəbinin tələbəsidir[1]. Filmdə İran qadınlarının, xüsusilə də aktrisaların qarşılaşdığı sosial və peşəkar problemlər göstərilir[2].
Mükafatlandırılması
[redaktə | mənbəni redaktə et]Cəfər Pənahiyə siyasi fikirlərinə görə İranda iyirmi illik kino çəkmək və ölkəni tərk etmək qadağan edilməyinə baxmayaraq o, qadağa dövründə dörd film ərsəyə gətirmişdir. Bu filmlərdən sonuncusu məhz "Üç üz" filmidir. Yeni filmin Kann kinofestivalındakı premyerasına aktyor heyəti və Cəfər Pənahinin övladları qatılmışlar. Film gurultulu alqışlarla qarşılanmış və dolu zalda bir oturacaq dissident rejissor üçün boş saxlanılmışdı. "Üç üz" filmi 71-ci Kann kinofestivalında ən yaxşı ssenari nominasiyasında qalib gəlmişdir[3].
İstinadlar
[redaktə | mənbəni redaktə et]- ↑ "Üç üz 2018". 2018-05-13 tarixində arxivləşdirilib. İstifadə tarixi: 2018-10-03.
- ↑ "Cəfər Pənahinin filmi Kann kino-festivalında alqışlarla qarşılanıb". 2021-07-24 tarixində arxivləşdirilib. İstifadə tarixi: 2018-10-03.
- ↑ "Kann kinofestivalının qalibləri". 2019-05-19 tarixində arxivləşdirilib. İstifadə tarixi: 2018-10-03.